Pelembang kuuu

Siapo ngomong wong plembang tu ganas2 ? Buktinyo jarang2 ado kerusuhan di sini. Paleng2 nodong, nujah, jambret hiiiiiyyy....itu jugo serem kaleeeee !! Baseng be ngomong yo dak ? Mudah2an wong2 yang ngawekke kejahatan tu cepet2 insyap lah mako lebih aman dan lemak lagi tinggal di Pelembang. Mungkin kareno pengaruh cuaco bedengas jadi wong kito ni terkenal rato2 temperamennyo agak2 keras dan mudah manas tapi sebenernyo hatinyo baek kok. Mun dak cayo cubolah waktu bepapasan tu senyum tros langsung nraktir pempek pasti langsung tesenge dak dibuat2, sisip dikit dijadike dulur hihihi....
Banyak kemajuan di kota kito ni. Salah satu yang paling anyar ni, biso jadi tuan rumah SEA GAMES tahun 2011 tempo ari. Siapooo yang dak bangga. Apolagi waktu jingok acara pembukaannyo, di tipiiiii bukan nonton langsung. Soalnyo waktu tu lagi tengah bulan, taulah dewek kan, mun pacak jerit, jerit nian dompet dalem tas tu. Dem yeh ngapo curhat soal buntu tu hehe...Dak boleh ngomong buntu tapi keterbatesan pos2 pengeluaran weeewww..borera istilah itu. Nah, pas waktu jingok kembang api tu woooooiiii... alangke cindonyoooo cak seraso bukan di Plembang b. Merinding bulu roma, untung2 be bulu mato dak acak merinding, mun dak tu keri kamu jingoknyo :D 
Ado sisi baek, ado jugo sisi buruk. Dengen adonyo pembangunan disano sini, kadang2 malah bikin masalah baru. Banjir utamonyo. Bagusnyo sebelum nak bangun tu, pikirke dukin masalah got ato tempat buangan banyu. Ay ngapo aku cak lebih2 pakar itu, awak masak mi lagi mutung hehe...mulai nganar. Intinyo nak cakmano be Plembang ni, aku tetep betahlah tinggal di sini. Iyolah pulooook nak dimano lagi ??!! Begayaaaa !!