Cumen untuk Wong Kito Blagak Galo

Assalamu'alaikum, salam sejahtera buat dulur-dulur, sanak, rewang se-Plembang anget dimano be tecogok. Aku ni diomongke blogger alias tukang nulis blog, dak jugo sih kareno sekendak-kendak be kapan nak nulis. Dang ati ni tegerak, dapet ilham tulisan baru berejo ambek mesin tik hehehe...Alangke gelinyo ye, jaman canggeh mak ini maseh beketak ketik behoji. Bukannyo  nak ngecikke arti mesin tik, tapi kan sekarang ni la moderen, ambek praktis, gampang dan lemaknyo lah. Make komputer lebih ceto yo dak lur ?

Nulis make baso Indonesia, sudem. Teros, cubo-cubo make baso enggres pulok. Bukannyo besak ho, besak gaya apolagi cak iyo yo, tapi kepengen agak nambah-nambah dikit ilmu. Secaro ilmu itung aku lemah walo omongan tu tubuk ni akuntan. Jadi men nak nulis tentang sepak terjang ato jurnal akuntansi rasonyo dak kewawo. Nah, daripado disano pening, disini mabok, mendingan aku belajar bahaso internasional itu be. Lagian aku ni make editor pribadi lemaknyo tu. Itu nah tukang jingokke kiro-kiro ejoan apo tata bahaso apo grammar aku tu bener apo idak. Dak jauh-jauh, aku make alias mintak tolong adek aku dewek, jadi pacak gratis hehehe....Untungnyo adek tu lebih pinter dari aku, men dak tu samo be bohong yo dak ? Lolo samo lolo, rusak sekaset ! Hihihi...Naah, behubung adek aku tu tinggal di luar Plembang, jadi aku kirim lewat pesen di fesbuk. Gek men adek dak sibuk baru dibaco dan diperikso. Untung be dak diponten. Ketaro nian laju kepinteran aku ni wuueeeekkhh..muntah blewah !

Gek aku pikir-pikir dulu yeh, kiro-kiro perlu dak buat blog baru nian yang bener-bener untuk baso plembang. Soalnyo gek men la kebanyakan, lah jadi gawe pulok. Dem, dak sudah lagi depan komputer. Takutnyo uji wong tu pacak-pacak rai la mak komputer pulo, tegang mak kotak, katek senyum-senyumnyo lagi hehehe..alangke (nambah) jahatnyo ! Hehehe...

Hobi nulis ni la lamo nian sebenernyo, dari jaman aku masih menggemaskan sampe meluatkan sekarang pun beguyuuuur hmmm...Bedanya dulu nulis dewek make pensil di buku. Men salah dihapus pake penghapus ato men dak ketemu tepakso make karet gelang yang dililitke di ujung pensil hehe...kreatip jugo wong kito ni, samo jorok hahaha....tau dewek kan hasil apusan nyo. Item dekil dak keruan aguk.

Aku dak nak lamo-lamo idak, gek kamu kamu kamu lagi nuuuu....ngapo laju nyanyi ? Maksud aku tu denget be nulis ini, namonyo be perkenalan. Gek ringam, maleg pulok, saroooo aku. Mugo-mugo be ado manpaatnyo (ssst...aku be dak tau apo dio eh ?). Oh iyo mahap nian sebelumnyo, behubung tubuk katek poto2 yang behubungan samo Plembang, jadi dengen sangat nyesel dikit, tpakso minjem gambaran dari yang buat kaos nyenyes yang sudah ngetop itu nah. Sebelum brenti, aku cubo bepantun yeh...iwak peyek iwak peyek, walopun tulisan ni jelek tapi tetep asek, apoooooolah ! Hehehe....payo pamit dulu, diaturi galo-galo, lebaran kuma yeh ! :-)