Bedengas

   Cuaco mak ini ari dak nentu nian. Kadang panas bedengkang eh gek tau2 ujan lebet. Kadang ujan lebet eh gek tau2 panas bedengkang eh samo be yeh. Mak uji istilah wong ahli tu namonyo pemanasan global atau pemanasan dunio. Penyebabnyo efek rumah kaco. Mun dulu banyak pohon2 atau taneman, mak ini banyaklah kaco alias pembangunan gedung2. Boro2 nak nambah oksigen biar seger dikit, nambah penyakit lagi ado. Yang jelas nambah nganar cuaco dibuatnyo. Mangkonyo kareno ngerusak kodrat, alam jadi kesel. Berani bebuat berani betanggung jawab. Tubuk raso mungkin mak itu ocehan si alam hehe...
    Hari ini be di plembang ni bedengas nian ooooyyy, dak acak ngatokennyo. Mun la guling di kamar tu raso umep itu badan ni. Ibarat di pilem karton tu ado asep keluar dari pucuk palak. Mun bjalan dikit be keluar langsung bekuah badan. Apolagi lari-lari sore di tengah lapangan, lokak basah kuyup, mambu pulok ayy deemm...dak acak ngatokennyo hihi...

   Untung di rumah ado AC. Baru bae ngambek kreditan 10x bayar. Dak tanggung2 beli. Di ruang tamu sikok, ruang keluargo sikok, ruang makan sikok, kamar apolagi sikok sewang, teko dapur samo kamar mandi kami tebengke AC tu. Cumen loteng samo tempat jemuran be yang idak hehe...ktauan igo ngawaknyo ^_^
Dem ayyy, daripado pembaco nambah manas maco kelakar ini, tubuk bedingin dulu yeh. Jadilah kipas baling2 bambu ngibeng2 depan rai.